Таҷлили бошукӯҳи ҷашни Меҳргон дар ДДЗТ ба номи Сотим Улуғзода

 

“Меҳргон яке аз куҳантарин ҷашнҳои мардуми ориёинажод буда, гузаштагонамон онро ҳамчун ситоишу ниёиши Меҳр ё Митро ва рамзи аҳду паймон ва дўстиву муҳаббати ойини меҳрпарастӣ таъбир кардаанд. Меҳргон иди ҷамъоварии ҳосили рӯёндаи деҳқон, иди фаровонӣ, шодию нишот, дӯстию рафоқат, ваҳдату ягонагӣ ва меҳру садоқат аст.”
                                                                                                       Эмомалӣ Раҳмон

 75481691 718505988657246_7280439272933425152_n

Санаи 30-юми октябр дар Донишкадаи давлатии забонҳои Тоҷикистон ба номи Сотим Улуғзода ҷашни Меҳргон ботантана баргузор гардид. Дар ин чорабинии бошукӯҳ намояндаҳо аз ҳамаи факултетҳо дастархони идонаи худро ба маърази тамошо гузоштанд.
Ректори донишкада, профессор Маҳмадулло Раҷабзода изҳор дошт, ки ҷашни суннатии Меҳргон дар замони Истиқлолият бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз нав эҳё шуда, ҳамасола миллати сарбаланди тоҷик онро бо шукӯҳу шаҳомати хосса ва фараҳмандии бузург ҳамчун ҷашни миллӣ таҷлил мекунанд.

75380363 463677060936506_7753943345549803520_n

Лозим ба ёдоварист, ки дар чорабинии мазкур ҷавонон бештар фаъол буда, гурӯҳе аз ҷавононону донишҷӯён бо шеъру гулбазм ва гурӯҳе аз онҳо бо пухту пази хурокҳои миллӣ ва пешниҳоди ҳунарҳои мардумии хеш ин ҷашни миллиро истиқболу таҷлил намуданд.
Ҳамзамон дар чорабинӣ меҳмонон ва кормандони ширкат варзида, ин ҷашни аҷдодиро бо як шаҳомати беандоза истиқбол гирифтанд. Мавриди зикр аст, ки аз ҷониби дастаи ҳунарии “Субҳи ҷавонии мо”- и бахши фарҳанги донишкада консерти идона пешниҳоди тамошобинон гардид.

 

                                                                                                                                                            Набизода Наҷмуддин

                                                                                                                                                                           "Андеша"

 

 

Садо